“ABŞ Kuba xalqının kollektiv şəkildə cəzalandırılmasına və ölkəyə qarşı mümkün hərbi təcavüzə haqq qazandırmaq məqsədilə siyasi-informasiya kampaniyası aparır”.
Teleqraf xəbər verir ki, bunu Kubanın BMT-dəki daimi nümayəndəsi Ernesto Soberon Qusman TASS-a deyib.
“Açıq siyasi və media dezinformasiya kampaniyası çərçivəsində dövlət katibi, Ağ Evin sözçüsü və Dövlət Departamentinin nümayəndəsi, eləcə də digər yüksək vəzifəli ABŞ rəsmiləri bir-birinə zidd açıqlamalar verərək açıq şəkildə yalan danışırlar. ABŞ hökumətinin Kuba xalqına qarşı tətbiq etdiyi və heç bir şəkildə haqq qazandırıla bilməyən kollektiv cəzaya və Kuba ərazisinə qarşı mümkün hərbi təcavüzə haqq qazandırmağa çalışırlar”, - Kuba rəsmisi qeyd edib.
