Macarıstan Ali Məhkəməsinin keçmiş sədri Andraş Baka ölkə prezidenti olmağa razılıq verib.
Sherg.az xəbər verir ki, bu barədə avqustun 8-də, şənbə günü, baş nazir Peter Madyar sosial şəbəkələrdə məlumat verib.
“Biz şəxsən Andraş Bakaya ‘Tisa’ fraksiyasının qərarı barədə məlumat verdik və eyni zamanda ona prezident vəzifəsinə namizəd olmağı təklif etdik. Cənab sədr bu təklifi qəbul etdi”, - deyə Madyar yazıb.
Baka 2009–2011-ci illərdə Ali Məhkəmənin sədri vəzifəsində çalışıb. Lakin Viktor Orban hökuməti dövründə həyata keçirilən məhkəmə sistemi islahatları səbəbindən vəzifəsindən istefa verib.
Daha sonra o, Strasburqda yerləşən Avropa İnsan Hüquqları Məhkəməsində çalışıb. 2012–2020-ci illərdə isə islahatlar nəticəsində yaradılmış Macarıstanın ali məhkəmə orqanı olan Kuriyanın məhkəmə kollegiyasına rəhbərlik edib.
Daha əvvəl KP.RU yazmışdı ki, Tamaş Şuyok Konstitusiyanın onun vəzifədən kənarlaşdırılmasını nəzərdə tutan 17-ci düzəlişini imzalayıb. Bundan sonra iyulun 20-də onun Macarıstan prezidenti kimi səlahiyyətlərinə xitam verilib.
Parlamentin spikeri Aqneş Forsthoffer müvəqqəti olaraq Macarıstan prezidentinin səlahiyyətlərini icra edən şəxs təyin edilib.
