Türkiyə yaxın vaxtlarda Rusiya ilə yüksək səviyyədə təmasların keçirilməsini mümkün hesab edir.
Sherg.az xəbər verir ki, bu barədə “RİA Novosti”yə Türkiyə hökumətindəki mənbə bildirib.
Mənbənin sözlərinə görə, Ankara Rusiya tərəfi ilə dialoq kanallarını açıq saxlayır və birbaşa təmasları, o cümlədən Ukraynadakı vəziyyət və Qara dənizdə təhlükəsizlik məsələləri ilə bağlı aktual regional problemlərin müzakirəsi üçün zəruri vasitə hesab edir.
Bildirilir ki, mümkün görüşlərin konkret vaxtı və formatı hazırkı diplomatik işlərin gedişindən asılı olaraq müəyyənləşdiriləcək və tərəflər arasında mövcud kanallar vasitəsilə razılaşdırılacaq.
Ankara həmçinin qarşılıqlı əlaqələrin davam etdirilməsi və öz təşəbbüslərinin irəli sürülməsi üçün diplomatik imkanlardan istifadəni davam etdirəcək.
