Çin hökuməti Əfqanıstana 30 milyon dollar həcmində təcili yardım paketi ayırmaq barədə qərar qəbul edib.
Bu barədə İran, Pakistan, Tacikistan, Türkmənistan və Özbəkistan XİN rəhbərlərinin onlayn görüşündə çıxış edən Çinin xarici işlər naziri Van İ bildirib.
O qeyd edib ki, ayrılacaq vəsait Əfqanıstan əhalisinin ehtiyacları üçün sərf ediləcək.
Çinli nazirin sözlərinə görə, həmin məbləğə ərzaq məhsulları, dərman vasitələri və tibbi ləvazimatlar, eləcə də koronavirusa qarşı peyvəndlər əldə olunacaq.
Mənbə: TASS
