
Elxan Şahinoğlu: Pekin narahatdır
Elxan Şahinoğlu: Pekin narahatdır
Yusif Sultanoğlu
04:05 30.07.2024
Dünya
588
ABŞ Monqolustanda yerləşməklə bölgəyə təsir imkanlarını artırmağa çalışır
ABŞ-nin Monqolustanda hərbi baza yaratması istəyi Moskva ilə Pekini ciddi narahat edir
ABŞ ilə Rusiya müxtəlif bölgələr uğrunda mübarizələrini davam etdirirlər. Rəqabət Cənubi Qazqazdan və Mərkəzi Asiyadan tutmuş Afrika qitəsinə qədər uzanıb. Yeni mübarizə meydanı Monqolustandır. Vaşinqtonun Monqolustana marağı artıb. ABŞ rəsmilərinin 2023-cü ildə Monqolustana səfərlərinin sayı çoxalıb. Halbuki Monqolustan uzun illər keçmiş SSRİ-nin müttəfiqi olub. SSRİ dağıldıqdan sonra Monqolustan Rusiya ilə tərəfdaşlığına baxmayaraq, ABŞ və Avropa ilə də əməkdaşlığını gücləndirməyə qərar verib. Bu durum Vaşinqtonla Brüsselin maraqlarına cavab verib. Monqolustan Rusiya ilə Çinin arasında yerləşdiyindən Vaşinqton Ulan-Batorla sıx əlaqələr qurmağa qərar verib.
"Atlas" Araşdırmalar Mərkəzinin rəhbəri Elxan Şahinoğlu "Sherg.az"a deyib ki, Rusiya və Çin bu vəziyyətdən narahatdır. Ekspertin sözlərinə görə, Qərbin marağına baxmayaraq, Monqolustanın əsas iki ticarət tərəfdaşı Rusiya və Çindir:

"Monqolustanın Çinlə illik ticarət dövriyyəsi təxminən 12 milyard dollar, Rusiya ilə 9.7 milyard dollardır. Qərb ölkələri artan siyasi təmaslara baxmayaraq, Monqolustanla hələ sıx iqtisadi əlaqələr qura bilməyiblər. Rusiya Monqolustanın əsas enerji ixracatçısıdır. Buna baxmayaraq, ABŞ Mərkəzi Asiya ölkələri ilə əlaqələri üst səviyyəyə qaldırdığı kimi Monqolustanla da təmasları inkişaf etdirməkdə israrlıdır. Vaşinqton bu siyasəti 2019-cu ildən fəallaşdırıb. ABŞ və Avropa İttifaqı Monqolustanın təbii sərvətlərinə maraq göstərirlər. ABŞ dövlət katibinin enerji məsələləri üzrə köməkçisi Xose Fernandes 2023-cü ildə Ulan-Batorda müxtəlif layihələri müzakirə edib. Eyni ildə Monqolustanın baş naziri ABŞ-də rəsmi səfərdə olaraq bu ölkənin vitse-prezidenti Kamala Harrislə görüşüb. Kreml bunu özü üçün təhlükə kimi qiymətləndirir. Çünki Rusiyanın Çinə lojistik yolları Monqolustandan keçir".
Ekspert vurğulayıb ki, Pekin də narahatdır:
"Çində hesab edirlər ki, ABŞ Monqolustanda yerləşməklə bölgəyə təsir imkanlarını artırmağa çalışır. ABŞ-nin Monqolustanda hərbi baza yaratması istəyi Moskva ilə Pekini ciddi narahat edir. Ona görə Pekin Ulan-Batorla hərbi əməkdaşlıq imkanlarını nəzərdən keçirmək istəyir. Çinin keçmiş müdafiə naziri Li Şanfu bu məsələlərlə məşğul olurdu. Ancaq müdafiə naziri və bir sıra çinli generallar korrupsiya ittihamıyla vəzifələrindən uzaqlaşdırıldılar. Müdafiə nazirinin partiya nizamnaməsini kobud surətdə pozduğu bildirildi. Çin lideri Tsi Cinpin Monqolustanla əlaqələr mövzusuna şəxsən özü nəzarət etməyə başladı".
Oxşar xəbərlər
Xəbər lenti
Hamısına bax
Mübariz Əhmədoglu təcili üzr istəməlidir - Kamran Ramazanlı
20:21 21.11.2026
Cəmiyyət
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol