Türkiyənin xarici işlər naziri Hakan Fidan Misirin Türkiyə, Səudiyyə Ərəbistanı və Pakistan arasında yaradılan müdafiə paktına qoşula biləcəyini bildirib.
Teleqraf xəbər verir ki, bunu Türkiyənin xarici işlər naziri Hakan Fidan “Al Jazeera”yə açıqlamasında deyib.
Fidan Misiri ittifaq üçün təbii tərəfdaş adlandırıb və növbəti mərhələdə Qahirənin alyansa qoşulacağına inandığını bildirib. Nazir qeyd edib ki, üç ölkə artıq bir-birinə qarşı ittifaq üzvü kimi fəaliyyət göstərir.
Misirin mümkün üzvlüyü ittifaqa daxil olan ölkələrdən birinin nümayəndəsi tərəfindən açıq şəkildə adı çəkilən ilk ölkədir.
Qeyd edək ki, Türkiyə, Səudiyyə Ərəbistanı və Pakistan avqustun 7-də Məkkədə birgə müdafiə haqqında saziş imzalayıb. Sazişə əsasən, iştirakçılardan birinə qarşı hücum hər üç ölkəyə qarşı hücum kimi qiymətləndiriləcək.
Fidan ittifaqın genişləndirilməsinin nəzərdə tutulduğunu və digər ölkələrin də birliyə maraq göstərdiyini bildirib. Lakin nazir həmin ölkələrin adlarını açıqlamayıb.
Türkiyə, Səudiyyə Ərəbistanı və Pakistan arasında üçtərəfli saziş üzrə danışıqlar təxminən bir il davam edib. Səudiyyə Ərəbistanı ilə Pakistan isə 2025-ci ilin sentyabrında qarşılıqlı müdafiə haqqında ikitərəfli strateji saziş imzalayıb.
Misir artıq yeni paktın iştirakçıları ilə regional məsələlər üzrə əməkdaşlıq edib. Bu ilin martında Türkiyə, Misir və Səudiyyə Ərəbistanı Pakistanla birlikdə neftin Hörmüz boğazı vasitəsilə daşınmasının idarə olunması üçün konsorsium yaradılmasını təklif etmişdi.
