Keçmiş həyat yoldaşının ölümündən sonra mühakimə olunduğu və mübahisəli bəraət alması ilə tanınan amerikalı futbol ulduzu O. J. Simpson 76 yaşında vəfat edib.
Sherg.az xarici mediaya istinadən xəbər verir ki, Simpsonun ailəsi onun ölümünü sosial media hesabından elan edib. Simpsonun bir müddətdir xərçənglə mübarizə apardığı məlum idi.
Ailənin ifadəsində “O, uşaqları və nəvələrinin əhatəsində idi. Onun ailəsi sizdən xahiş edir ki, bu çətin anlarda onun şəxsi həyatına dair istəklərinə hörmət edəsiniz."
Simpson 1994-cü ildə Los-Ancelesdə keçmiş həyat yoldaşı Nikol Braun Simpson və onun dostu Ronald Qoldmanın bıçaqlanaraq öldürülməsinə görə mühakimə olunub.
ABŞ mediasının “əsrin məhkəməsi” adlandırdığı prosesdə Los-Anceles münsiflər heyəti Simpsonun günahkar olmadığına qərar verib.
Simpson daha sonra 2008-ci ildə adam oğurluğu və silahla qarət etməkdə təqsirli bilinib və 9 il həbs edilib.
"The Juice" ləqəbli Simpson 1960-1970-ci illərdə idman dünyasının ən məşhur adları arasında idi.
