“Ermənistan Respublikasının ikinci prezidenti Robert Köçəryan rüşvətxordur”.
Teleqraf xəbər verir ki, bunu Ermənistan Baş naziri Nikol Paşinyan hökumətin iclasında deyib.
“Robert Köçəryanın rüşvətxor olduğunu biz müəyyən etməmişik, bu, məhkəmənin iclasında qeydə alınıb. Ermənistanın məhkəmə sistemi rəsmi olaraq Ermənistan Respublikasının ikinci prezidenti vəzifəsini tutan şəxsin rüşvətxor olduğunu qeyd edib”, - baş nazir bildirib.
Paşinyan əlavə edib ki, bundan sonra nə vaxt çıxış edib, sabiq prezidentin adı hallananda “Robert Köçəryan rüşvəxtxordur” deyəcək.
Ermənistan hökumətinin başçısı sabiq xarici işlər naziri Vardan Oskanyan və həyat yoldaşını da korrupsiyada ittiham edib:
“Keçmiş hakimiyyətlərin nümayəndələri artıq quldur, əclaf, fırıldaqçı olmadıqlarını sübut etməyə belə çalışmırlar”.
