Qeysəriyyə əməliyyatından sonra 18 ay ərzində xroniki ağrılardan əziyyət çəkən qadının qarnında yemək boşqabı boyda cərrahi alət tapılıb.
Sherg.az xarici mediaya istinadən xəbər verir ki, hadisə Yeni Zelandiyanın Oklend şəhər xəstəxanasında baş verib.
2020-ci ildə Yeni Zelandiyalı ana keysəriyyə ilə doğuşdan sonra xroniki ağrılardan əziyyət çəkməyə başlayıb.
2020-ci ildə keçirilən əməliyyat zamanı cərrah, böyük qeydiyyat işçisi, dörd tibb bacısı, iki anestezioloq və bir əməliyyatxana mamasının əməliyyat otağında olduğu açıqlanıb.
Ağrıları davam edən qadının tomoqrafiyasından sonra onun qarnında retraktor olduğu müəyyən edilib.
2021-ci ildə yenidən əməliyyat olunan qadının səhhəti bərpa olunub.
Hadisə ilə bağlı ilkin araşdırmalardan sonra 20 yaşlarında olan xəstənin vəziyyəti ilə bağlı açıqlama verən Te Whatu Ora Auckland xəstəxanası "xəstəyə qayğı göstərmədiyi" iddialarını təkzib edib.
Bazar ertəsi, sentyabrın 4-də açıqlama verən Yeni Zelandiyanın Sağlamlıq və Əlillik üzrə Komissarı Morag McDowell, xəstəxananın xəstənin hüquqları qanununu pozduğunu bildirib.
Te Whatu Ora Auckland xəstəxanası, Əməliyyatlar Direktoru Dr. Mike Shepherd isə səhvə görə üzr istəyib.
McDowell hesabatında plasentanın doğum kanalının girişini tıxaması riski səbəbiylə qadının əvvəlcədən planlaşdırılmış keysəriyyə əməliyyatına aparıldığı məlumatını da paylaşıb.
