Moskva məhkəməsi “Tviç” (“Twitch”) yayım platformasını Rusiya qanunvericiliyini pozduğuna görə 61,7 milyon rubl məbləğində cərimələyib.
Axar.az xəbər verir ki, bu barədə Rusiya Teleqram kanallarında məlumat verilib.
Məlumatda bildirilir ki, məşhur platforma Rusiyada internet sahəsində xarici şirkətlərin fəaliyyətini tənzimləyən qanunun tələblərini yerinə yetirmədiyinə görə inzibati məsuliyyətə cəlb olunub.
Qeyd edək ki, ötən ay Rusiya məhkəməsi həm “Quql”, həm də “Tviç” platformalarını qanun pozuntusuna görə cərimələyib. “Quql” 3.8 milyon, “Tviç” isə əlavə olaraq 7 milyon rubl cərimə olunmuşdu.
