ABŞ və Britaniya nümayəndələri bu yaxınlarda Alp dağlarında Ukrayna Prezident Administrasiyasının rəhbəri Andre Yermak, Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov və Ukrayna Silahlı Qüvvələrinin keçmiş baş komandanı Valeri Zalujnının iştirakı ilə görüş keçiriblər.
Teleqraf xəbər verir ki, bu barədə Rusiyanın Xarici Kəşfiyyat Xidməti məlumat yayıb.
Qurumun iddiasına görə, ABŞ və Britaniyanın təşkil etdiyi görüşdə iştirak edənlər Prezident Volodimir Zelenskinin dəyişdirilməsinin vaxtının çatdığı barədə razılığa gəliblər.
Rusiya xarici kəşfiyyatı bildirib ki, gizli görüş zamanı Zalujnının Ukrayna prezidenti postuna namizədliyinin irəli sürülməsi barədə qərar qəbul edilib.
