F-16 qırıcı təyyarələri ABŞ Prezidenti Donald Trampın olduğu Nyu-Cersi ştatındakı Bedminster qolf meydançası üzərində uçuş məhdudiyyətlərini pozan bir neçə təyyarəni ələ keçirib.
Axar.az xəbər verir ki, bu barədə Şimali Amerika Aerokosmik Müdafiə Komandanlığının (NORAD) məlumatında deyilir.
"NORAD F-16 təyyarələri bu gün Bedminster üzərində müvəqqəti uçuş məhdudiyyətlərini pozan bir neçə ümumi aviasiya təyyarəsini ələ keçirib. Bütün təyyarələr NORAD təyyarələri tərəfindən ərazidən təhlükəsiz şəkildə çıxarılıb”, - deyə bildirilib.
Qeyd edək ki, ABŞ prezidenti qolf meydançasına sahibdir və tez-tez həftəsonlarını orada keçirir. Tramp cümə günü Bedminsterə gəlib və bazar günü Vaşinqtona qayıtması gözlənilir.
