Türkiyə hökumətində dəyişiklik gözlənilir.
Teleqraf xəbər verir ki, bu barədə “Haber Global” məlumatlı mənbələrə istinadla bildirib.
“Nazirlər Kabinetində dəyişiklik olacaq, amma genişmiqyaslı dəyişiklikdən söhbət getmir. Mədəniyyət və Turizm Nazirliyi iki yerə bölünəcək və Mədəniyyət Nazirliyi yaradılacaq. Kənd Təsərrüfatı və Meşə Təsərrüfatı Nazirliyi iki yerə bölünəcək və Kənd Təsərrüfatı Nazirliyi yaradılacaq”, - məlumatda deyilir.
Mənbə Türkiyədə mümkün Konstitusiya dəyişikliyinə də diqqət çəkib:
“Yeni Konstitusiya məsələsi gündəmin ən mühüm maddələrindən biri olacaq. Hakim Ədalət və İnkişaf Partiyasının (AKP) parlament fraksiyasının rəhbərliyi dəyişmədi, parlamentin hazırkı sədri (Numan Kurtulmuş) yola davam qərarı verildi.
Kiçikmiqyaslı dəyişiklik gündəmdədir. Güclü vitse-prezidentlik barədə danışılır. Cevdet Yılmaz bunu tamamlamış kimi görünürdü, amma ikinci vitse-prezidentin olacağı gündəmdədir. Nazirlər Kabinetində üç yeni isim görə bilərik”.
