Türkiyə Xarici İşlər Nazirliyi (XİN) İsrailin Baş naziri Benyamin Netanyahunun qondarma "erməni soyqırımı" ilə bağlı bəyanatını rədd edib.
APA xəbər verir ki, Türkiyə XİN bununla bağlı bəyanat yayıb.
“Netanyahunun 1915-ci il hadisələri ilə bağlı açıqlaması keçmişdəki kədərli hadisələri siyasi istismara çəkməyə hədəflənmiş bir təşəbbüsdür. Fələstin xalqına qarşı törədilən soyqırımdakı roluna görə mühakimə olunan Netanyahu özünün və hökumətinin törətdiyi cinayətləri ört-basdır etməyə çalışır. Tarixi və hüququ həqiqətlərə uyğun olmayan bu bəyanatı qınayır və rədd edirik”, - Türkiyə XİN bildirib.
Qeyd edək ki, İsrailin Baş naziri Benyamin Netanyahu müsahibəsində İsrailin Baş naziri olaraq "erməni soyqırımı"nı tanıdığını elan edib.
