17 yaşadək futbolçulardan ibarət Azərbaycan milli komandası bu gün Avropa çempionatının seçmə mərhələsində ilk oyununa çıxıb.
QOL.az xəbər verir ki, 9-cu qrupda yer alan Aqil Nəbiyevin komandası səfərdə Fransanın müvafiq yaş qrupundan ibarət kollektivi ilə qarşılaşıb.
Kapbreton şəhərindəki “Bourret” stadionunda keçirilən görüş rəqibin 8:0 hesablı qələbəsi ilə başa çatıb.
Xatırladaq ki, Azərbaycanın əsas milli komandası da növbəti matçını səfərdə Fransaya qarşı keçirəcək. Oyun DÇ-2026-nın seçmə mərhələsi çərçivəsində oktyabrın 10-da keçiriləcək.
8 oktyabr
17:00. Fransa (U-17) - Azərbaycan (U-17) - 8:0
Baş hakim: Marius Hansen Qrotta (Norveç)
“Bourret” stadionu, Kapbreton
