İraqın şimalında hərbi əməliyyat zamanı ABŞ hərbçisi həlak olub.
APA “RİA Novosti”yə istinadən xəbər verir ki, bu barədə koalisiyanın İŞİD-ə qarşı mübarizə qərargahı məlumat yayıb.
“Naynava əyalətində İraqın təhlükəsizlik qüvvələri ilə hərbi əməliyyat zamanı onları müşayiət edən bir ABŞ hərbi qulluqçusu ölüb”, - məlumatda belə deyilir.
Onun ölüm şəraiti və aparılan hərbi əməliyyat barədə məlumat verilməyib.
