Dövlət Müfəttişliyi eks prezident Mixeil Saakaşviliyə qarşı qeyri-insani rəftarın ola biləcəyi ilə bağlı istintaq başladıb.
24News.ge xəbər verir ki, bu barədə Dövlət Müfəttişliyi məlumat yayıb.
Məlumata əsasən, bununla bağlı Mixeil Saakaşvili tibbi müayinədən keçəcək:
"Xalq Müdafiəsi Aparatından daxil olan məlumat, o cümlədən sosial şəbəkədə və mediada yayılan məlumatlara əsasən, Dövlət Müfəttişliyinin İstintaq İdarəsi 2021-ci il noyabrın 9-da Gürcüstanın üçüncü prezidenti M. Saakaşviliyə qarşı mümkün qeyri-insani rəftar faktı üzrə Gürcüstan Cinayət Məcəlləsinin 144-cü maddəsinin 2-ci hissəsinin “a”, “b”, “e” və “g” yarımbəndlərində nəzərdə tutulmuş cinayət əlamətləri ilə istintaq başladıb.
Dövlət Müfəttişliyi Xidməti M. Saakaşvilini dindirmək üçün onun vəkili ilə əlaqə qurub. Saakaşvilini dindirdikdən sonra onun verdiyi məlumatlar əsasında onunla bağlı zəruri istintaq və prosessual hərəkətlər, o cümlədən tibbi müayinə təyin olunub.
Artıq Dövlət Müfəttişliyi İdarəsi Məhkəmənin qərarı əsasında Xüsusi Penitensiar Xidmətə 8 noyabr 2021-ci il tarixdə M. Saakaşvilinin hərəkətini əks etdirən videokasetlərin, o cümlədən 12 saylı cəzaçəkmə müəssisəsindən 18 saylı cəzaçəkmə müəssisəsinə qədər arxivləşdirilməsinin göndərilməsini xahiş edib", - deyə Dövlət Müfəttişliyinin bəyanatında deyilir.
Xatırladaq ki, Gürcüstanın üçüncü prezidenti Mixeil Saakaşvili Rustavidəki 12 saylı Cəzaçəkmə Müəssisəsindən 18 saylı Qldani Cəzaçəkmə Müəssisəsinin Tibb Mərkəzinə köçürülməsi zamanı ona qarşı fiziki şiddət törədildiyini deyir.