Azərbaycan Respublikasının Prezidenti İlham Əliyev dekabrın 22-də Şuşa rayonunun Turşsu qəsəbəsində olub.
Dövlət başçısı qəsəbənin ərazisinə baxış keçirib.
Qeyd edək ki, qəsəbə Şuşa şəhərindən təxminən 17 kilometr məsafədə, Şuşa–Laçın yolunun kənarında yerləşir. Turşsu qəsəbəsi işğaldan əvvəl Şuşa rayonunda Şuşa şəhərindən sonra azərbaycanlıların ən sıx yaşadığı ikinci yaşayış məntəqəsi olub. Qəsəbə 1992-ci il mayın 15-də işğal edilib. 1989-cu ildə aparılan siyahıyaalmaya əsasən, qəsəbədə 755 nəfər yaşayıb. Burada fərdi evlər, tibb məntəqəsi, xəstəxana, mədəniyyət evi, kitabxana, məktəb, televiziyaötürücü qurğu, elektrik yarımstansiyası, uşaq bağçası, musiqi məktəbi, klub və digər binalar mövcud olub. Əhalinin məşğulluğu əsasən kənd təsərrüfatı sahəsində təmin edilib. Sadalanan infrastruktur işğal dövründə tam dağıdılıb.
Qəsəbə 2023-cü il sentyabrın 19-20-də Azərbaycan Ordusunun Qarabağda keçirdiyi antiterror tədbirləri nəticəsində separatçılardan təmizlənib. Hazırda Turşsu qəsəbəsində 353 ailə - 1403 nəfər qeydiyyatdadır.
![](https://apa.az/storage/news/2023/december/22/big/65856b2ead27f65856b2ead280170324254265856b2ead27c65856b2ead27d.jpg)
![](https://apa.az/storage/news/2023/december/22/big/65856b2eb912f65856b2eb9130170324254265856b2eb912c65856b2eb912e.jpg)
![](https://apa.az/storage/news/2023/december/22/big/65856b2ed02be65856b2ed02bf170324254265856b2ed02bb65856b2ed02bd.jpg)
![](https://apa.az/storage/news/2023/december/22/big/65856b2edbf8d65856b2edbf8e170324254265856b2edbf8965856b2edbf8b.jpg)
11:07
Azərbaycan Respublikasının Prezidenti İlham Əliyev dekabrın 22-də Şuşa rayonunun Turşsu qəsəbəsində olub.
Bu barədə Prezidentin Mətbuat Xidməti məlumat yayıb