Prezidentliyə namizəd Zahid Oruc məntəqədə görünən aktivliyin ölkədəki mənzərə olduğunu bəyan edib.
Jurnalistlərə açıqlamasında Z.Oruc qeyd edib ki, 20% yükdən azad olmaq (azad olunan ərazilər nəzərdə tutulur - red.) təkcə coğrafi bütövlüyü yox, həm də vətəndaş bütövlüyü yaradıb.
O bildirib ki, 7 fevraldan sonra yeni bir gündəlik formalaşır:
“30 il ərzində bizə iradəmizdən kənar amilli gündəlik diqtə olunmuşdu. Seçkilərdən sonra, hesab edirəm ki, Azərbaycana olan beynəlxalq təzyiqlər azalacaq və ya dayanacaq. Hansısa standartı Avropa ilə müqayisədə görməyən qüvvələr belə millətin məntəqələrdəki bugünkü iradəsini görüb qiymətləndirəcəklər. Görəcəklər ki, bu, xalqın iradəsidir. Millətin mövqeyi olan yerdə kimin qalib gəlməsindən asılı olmayaraq, hamı qalib olacaq”.