Nikol Paşinyanın müavini və Ermənistan Respublikası dövlət sərhədinin delimitasiyası üzrə Dövlət Komissiyasının rəhbəri Mger Qriqoryan Tavuşa gəlmək və yerli sakinləri dinləmək qərarından son anda imtina edib.
Axar.az xəbər verir ki, bu barədə ölkə mətbuatı məlumat yayıb.
Səfər Qazaxın işğal altındakı yeddi kəndindən dördünün Azərbaycana qaytarılması ilə bağlı verilən qərara ordakı ermənilərin etirazı fonunda gerçəkləşməli idi.
Qeyd edək ki, 19 apreldə Qazax rayonunun işğalda olan 7 kəndindən anklav olmayan 4 kəndinin Azərbaycana qaytarılması barədə Ermənistanla razılıq əldə olunub.