Qlobal istiləşmə dünyanın dörd bir yanında təsirini göstərir. İllər öncə Avropaya səyahətdən zövq alanlar, sərin, mülayim hava arzusu ilə müxtəlif ölkələrdə istirahətə can atanlar son illərdə demək olar hər yerdə yorucu istilərlə üz-üzə qalır. Avropanın ən çox səyahət edilən, turistlərin ən çox sevdiyi və seçdiyi İtaliya da hazırda qızmar günəşin şüaları altında “qovrulur”. “Sherg.az” “NTV.com.tr”yə istinadən xəbər verir ki, İtaliyanın 8 şəhərində kəskin isti hava şəraiti ilə əlaqədar “qırmızı həyəcan” elan edilib. Əhaliyə də isti hava ilə bağlı ciddi xəbərdarlıq edilib. Verilən xəbərlərdə İtaliyaya Afrikadan Minos antisiklonunun yayıldığı bildirilir. Bunun nəticəsində də havanın temperaturu 40 dərəcədən yüksəkdir. İtaliya Səhyyə Nazirliyi paytaxt Roma da daxil, Ansona, Campobasso, Frosinone, Latina, Palermo, Rieti, Perugianın olduğu 15 şəhər “qırmızı həyəcan” səviyyəsində elan edilib. Romanın yerli əhalisi də, turistlər də məşhur İspaniya Nərdivanları önündəki Barcaccia fontanında özlərini suya ataraq sərinlənirlər. Kolizeydə isə nəhəng sərinkeşlər və çətirlər quraşdırılıb.
Avropa “yanır” - 15 şəhərdə “qırmızı həyəcan” elan edildi
