Türkiyə Cümhuriyyətinin milliyyətçi, fəal içtimai mövqeyə sahib 30 nəfərlik heyəti Azərbaycanda səfərdədir.
Azərbaycan Türk Ocağı İctimai Birliyinin sədri, Əməkdar jurnalist Akif Aşırlının "Sherg.az"a verdiyi məlumata görə , "Qafqaz İslam Ordusunun iznində" adlı səfər proqramı bir həftə davam edəcək. A.Aşırlı qeyd edib ki , bu il Qafqaz İslam Ordusu komandanı Nuru paşanın şəhadətə qovuşmağının 75 - ci ilində belə bir səfər həyata kecirilir. Nümayəndələrin bir qismi Türkiyədə fəaliyyət göstərən Türk Ocaqlarına mənsub aydınlardır.
![](https://sherg.az//storage/posts/June2024/xIJfp0VTcPgky0t0BY8Q.jpeg)
Bu gün Azərbaycana gələn səfər iştirakçıları Fəxri Xiyabanda umummilli lider Heydər Əliyev və milli Azadlıq hərəkatının lideri Əbülfəz Elçibəyin , millət vəkili Qənirə Paşayevanın məzarlarını ziyarət edib, ruhuna dualar oxuyublar.
![](https://sherg.az//storage/posts/June2024/U6EJNssr9YqanVatNIqn.jpeg)
![](https://sherg.az//storage/posts/June2024/HRL4PgfAFbsoRleWDRBW.jpeg)
![](https://sherg.az//storage/posts/June2024/guQepzEHd9HEHA3ZE30x.jpeg)
Şəhidlər Xuyabanını ziyarət edən qonaqlar Qafqaz İslam Ordusu şərəfinə ucaldılan anıta, 20 Yanvar və Qarabağ şəhidlərinin məzarlarına gül dəstələri qoyub.
![](https://sherg.az//storage/posts/June2024/vfgUnRzk9uVcZXPZRCPu.jpeg)
Nümayəndə heyəti sabah Şamaxını və Şəkini ziyarət edəcək , Qafqaz İslam Ordusu şəhidlərinin uyuduğu məkanlarda olacaq.