Tesla və SpaceX CEO-su Elon Musk Avropa qitəsi ilə bağlı diqqətçəkən xəbərdarlıq edib. Doğum nisbətlərinin azalması səbəbindən bəşəriyyətin yox olmaq təhlükəsi ilə üz-üzə qaldığını iddia edən Mask, "Avropa ölür" deyib.
Sherg.az xəbər verir ki, Elon Musk sahibi olduğu sosial media saytı X-də dərc olunan Avropadakı doğuş nisbətini göstərən xəritəni paylaşıb və "Avropa ölür" deyə həyacan təbili çalıb.
Xəritəyə görə, Avropa ölkələrində mövcud əhalinin sabit qalması üçün hər qadına 2,1 körpə doğum nisbəti lazımdır. Bununla belə, nisbətlər böhran həddədir.
Malta və İspaniya doğum səviyyəsinin ən aşağı olduğu ölkələr olub. Maltada doğuş nisbəti 1,08 olduğu halda, İspaniyada bu göstərici 1,16 olub.
