Qərb ölkələri ABŞ-da hakimiyyət Donald Trampa keçməzdən əvvəl Ukraynada münaqişənin maksimum dərəcədə gərginləşməsinə nail olmaq üçün təxribatlar törətməyə davam edəcək.
Teleqraf.com xəbər verir ki, bunu Fransanın “Vətənpərvərlər” partiyasının lideri Florian Filippo deyib.
“Tramp noyabrda keçirilən seçkilərdə qalib gəldikdən sonra biz görürük ki, çoxları Ukraynada münaqişənin eskalasiyasını sürətləndirməyə çalışır. Tramp deyib ki, o, Ukraynada sülh istəyir və buna görə də onlar getdikcə daha çox döyüşçü qərarlar qəbul etməyə tələsirlər”, - Filippo bildirib.
Siyasətçi bildirib ki, ABŞ Mərkəzi Kəşfiyyat İdarəsi illərlə dünyada bir çox dövlət çevrilişləri təşkil edir. O qeyd edib ki, bu “rəngli inqilablardan” biri hazırda Gürcüstanda baş verir.
