Ekvador prezidenti Lenin Moreno koronavirus pandemiyası ilə əlaqədar tətbiq edilən fövqəladə vəziyyət rejimini daha bir ay uzadıb.
“RİA Novosti” agentliyi xəbər verir ki, bu barədə ölkə prezidenti öz “Twitter” hesabında məlumat yayıb.
“Təhlükəsizlik Şurasının dəstəyi ilə fövqəladə vəziyyət rejimini mayın 16-dan etibarən 30 gün müddətinə uzadırıq. TŞ dövlət xərclərinin hərtərəfli baxılmasına hazır olmalıdır”, - prezident sosial şəbəkə hesabında yazıb.
Qeyd edək ki, Ekvadorda 31 881 şəxsin koronavirusa yoluxduğu aşkar edilib, 1 569 nəfər xəstəliyin qurbanı olub.
