Keçmiş vəkil Elman Paşayevi dələduzluq ittihamı ilə 10 ilədək həbs cəzası gözləyir.
Axar.az xəbər verir ki, bunu Rusiya İstintaq Komitəsinin rəsmi nümayəndəsi Svetlana Petrenko deyib.
Petrenko bildirib ki, Rusiya Cinayət Məcəlləsinin 159-cu maddəsinin 4-cü hissəsində (xüsusilə böyük miqdarda fırıldaqçılıq) nəzərdə tutulmuş cinayət əsasında cinayət işi başlanıb. Bu maddə 1 milyon rubla qədər cərimə ilə 10 ilədək müddətə azadlıqdan məhrum etmə cəzasını nəzərdə tutur.
Qeyd edək ki, Paşayev Moskvada Aleksey Blinovskini azadlığa buraxdıracağı vədi ilə külli miqdarda pul aldığı üçün saxlanılıb.
