Gəncədə anası tərəfindən imtina olunan 40 günlük körpənin vəziyyəti açıqlanıb.
Bu barədə Teleqrafa Gəncə Şəhər Birləşmiş Xəstəxanasından məlumat verilib.
Bildirilib ki, fevralın 10-u saat 12:35 radələrində 2025-ci il təvəllüdlü azyaşlı (qadın) Gəncə Şəhər Birləşmiş Xəstəxanasının nəzdində olan Uşaq Xəstəxanasının Pediatriya şöbəsinə hospitalizasiya olunub.
Ona yuxarı tənəffüs yollarının dəqiqləşdirilməmiş kəskin infeksiyası diaqnozu təyin olunub. Hazırda körpənin müalicəsi xəstəxananın müvafiq şöbəsində davam etdirilir, vəziyyəti stabildir.
Qeyd edək ki, anası 40 günlük körpəni Gəncə 2 nömrəli Birləşmiş Uşaq Xəstəxanasına gətirib və ondan imtina etdiyini deyərək körpələr evinə verilməsini istəyib.
***
21:02 / 11.02.2026
Gəncədə ana 40 günlük körpəsindən imtina edib.
Teleqraf-ın Qərb bürosunun məlumatına görə, cinsiyyəti qız olan körpəni anası Gəncə 2 nömrəli Birləşmiş Uşaq Xəstəxanasına gətirib və ondan imtina etdiyini, körpənin körpələr evinə verilməsini istəyib.
Hazırda körpə Uşaq Xəstəxanasındadır.
