Gəncədə evdən yeniyetmə qızın meyiti tapılıb.
APA-nın yerli bürosunun məlumatına görə, hadisə şəhərin Üzeyir Hacıbəyli küçəsində qeydə alınıb.
Belə ki, sözügedən küçədə yerləşən evlərdən birində 2009-cu il təvəllüdlü A.Qasımovanın meyiti aşkarlanıb.
Hadisə yerinə polis və prokurorluq əməkdaşları cəlb olunub. Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə təhvil verilib.
Ölümün səbəbləri araşdırılır.
Faktla bağlı Gəncə Şəhər Prokurorluğunda araşdırma aparılır.
