Gəncə şəhərində beş mərtəbəli binada partlayış olub.
“Report”un Qərb bürosunun məlumatına görə, hadisə Üzeyir Hacıbəyli küçəsi, bina 9, mənzil 20-də (ümümi sahəsi 70 kvadratmetr olan 3 otaqlı mənzildə) baş verib.
Hadisə yerinə 8 yanğınsöndürən avtomobili cəlb olunub. Yanğının qaz sızmasından yaranmış partlayış nəticəsində baş verdiyi bildirilir.
Hadisə yerinin kəşfiyyatı zamanı 1984-cü il təvəllüdlü Yaşar Rəhimovun meyiti aşkarlanıb.
Yanğının başvermə səbəbləri məlum deyil.
Faktla bağlı araşdırmalara başlanılıb.
