Polis qrupları qadının evdə qapalı qalan 2 yaşlı qızını xilas ediblər
İstanbulda yaşayan iranlı sosial media fenomeni evinin pəncərəsindən yıxılaraq ağır yaralanıb.
Sherg.az xəbər verir ki, hadisə Kağıthanenin Çeliktəpə məhəlləsində baş verib.
Məlumata görə, 2 yaşlı qızı ilə İstanbulda yaşayan iranlı sosial media fenomeni Sara Mohseni gecə saatlarında evə taksi ilə gəlib.
Bir neçə saat sonra Mohseni naməlum səbəbdən dördüncü mərtəbədəki evinin pəncərəsindən yıxılıb. Səsləri eşidən vətəndaşlar xilasetmə qruplarına xəbər verib.
Hadisə yerinə sağlamlıq, xilasetmə və polis qrupları sövq edilib.
Ağır yaralanan Möhsənə ilkin tibbi yardım göstərdikdən sonra onu təcili yardım maşını ilə xəstəxanaya aparıblar.
Polis qrupları qadının 2 yaşlı qızının evdə qapalı qaldığını müəyyən edib. Daha sonra yanğınsöndürənlər kiçik qızı pəncərədən çıxararaq xilas ediblər.
Möhsənin xəstəxanada müalicəsinin davam etdiyi və vəziyyətinin ağır olduğu bildirilir.
Polis hadisə ilə bağlı araşdırmalara başlayıb.
