Polşanın müdafiə naziri Vladislav Kosiniyak-Kamysz sosial mediada Almaniya Hərbi Hava Qüvvələrinin yaxın həftələrdə beş "Eurofighter" təyyarəsi ilə Polşa hava məkanını qoruyacağını açıqlayıb.
Teleqraf xəbər verir ki, bu barədə Avropa mətbuatı məlumat yayıb.
"Beş alman "Eurofighter EF-2000 Typhoons" yaxın həftələrdə NATO-nun şərq cinahının hava hücumundan müdafiəsinə dəstək verəcək",- nazir deyib.
Onun sözlərinə görə, təyyarələr Varşava yaxınlığında , Minsk Mazovetski aerodromunda yerləşdiriləcək.
Bildirilir ki, Polşada səmasında patrul xidməti əsasən NATO-nun Hava Polisi əməliyyatının iştirakçıları tərəfindən həyata keçirilir. Hazırda İsveçin "JAS-39 Gripen" qırıcıları Polşada rotasiya qaydasında xidmət edir.
Bundan əvvəl İtaliyanın "L'Antidiplomatico" qəzeti yazmışdı ki, Rusiyanın hava üstünlüyünə qarşı çıxmaq getdikcə çətinləşir. Nəşrin məlumatına görə, "Su-57" Rusiya silahlarının “təkamül emblemi”dir. Məqalədə deyilir ki, bu qırıcı radarlarda görünmür və müasir silahlar daşımağa qadirdir.
