İspaniya La Liqasının 24-cü turunda "Sevilya" ilə oyun "Atletiko"nun futbolçusu Antuan Qrizmann üçün əlamətdar olub.
Qol.az xəbər verir ki, 31 yaşlı hücumçu sözügedən görüşdə fərqlənib. Bu, Antuanın Madrid təmsilçisinin heyətində bütün yarışlarda vurduğu 150-ci qol olub.
Qrizmann klub tarixində yalnız 154 qolu olan Luis Araqonesdən geri qalır.
Qeyd edək ki, Qrizmann 2014-2019-cu illərdə də "Atletiko"nun formaını geyinib. O, 2021/22 mövsümündə icarə əsasında "Atletiko"da oynayıb. Daha sonra isə fransalı forvard birdəfəlik La Liqa təmsilçisinə transfer olunub.
