"Real Madrid"in baş məşqçisi Karlo Ançelotti son günlər İspaniya mətbuatında başqa komandaya icarəyə götürülməsi təklif edilən Arda Gülər haqda açıq danışıb.
Sherg.az xəbər verir ki, "Real Madrid"in böyük ümidlər bəslədiyi Arda Gülər son zədəsini sağaltmaq üçün fiziki inkişafını davam etdirir. Yenidən fərdi sahə işlərinə başlayan gənc ulduzun geri dönüşü üçün tələskənlik yoxdur.
"Real Madrid"in baş məşqçisi Karlo Ançelotti Arda Gülərin istedadlarını bir daha vurğulasa da, son günlər İspaniya mətbuatında yer alan transfer iddialarına üstüörtülü cavab verib.
İspaniya mətbuatı Arda Gülərin zədələrindən sonra fiziki inkişafını tamamlamaq üçün başqa La Liqa komandasına icarəyə verilə biləcəyini irəli sürüb. Mövsümün əvvəlində "Real Madrid"ə keçidi zamanı heç bir komandaya icarəyə götürülmək istəmədiyini və Florentino Peresdən zəmanət aldığını bildirən Arda Gülər üçün klub rəhbərliyinin qərar mərhələsində olduğu iddia edilib.
Karlo Ançelotti isə üstüörtülü şəkildə Arda Gülərin heç bir komandaya icarəyə verilməyəcəyini bildirib: "Sakit və dinc. Hamısı budur. Bir oyunçunun zədədən sonra təsirlənməsi normaldır. O, burada yenidir və komandaya töhfə vermək istəyir. Zədəli oyunçunun o anlara dözməsi həmişə çətindir. Arda Gülərin gələcəyi buradadır və o, çox yaxşı işlər görəcək. Çünki onun qeyri-adi istedadı var” .
