Formula 1-in niderlandlı pilotu Maks Ferstappen öz vətənində keçirilən yarışın qalibi olub.
Oxu.Az xəbər verir ki, Zandvort avtodromunda finişə birinci çatan “Red Bull” komandasının üzvü ümumi yarış cədvəlində xalların sayına görə yenidən zirvəyə yüksəlib.
Niderland mərhələsinin ikincisi “Mercedes”dən Lüis Hemilton olub. Kürsünün ən aşağı pilləsində isə onun komanda yoldaşı, finlandiyalı Valtteri Bottas qərarlaşıb.
Qeyd edək ki, turnirin növbəti mərhələsi sentyabrın 10-12-də İtaliyada keçiriləcək.
