Norveçin paytaxtı Osloda keçirilən dünya çempionatında bir sərbəst güləşçimiz yarımfinala vəsiqə qazanıb.
Oxu.Az-ın xəbərinə görə, bu, Əbubəkr Abakarovdur. Dağıstan əsilli güləşçimiz Almaniya (7:0), Ukrayna (13:2) və Gürcüstandan (10:2) olan rəqiblərinə qalib gələrək buna nail olub. Onu yarımfinalda Deyvid Teylorla (ABŞ) görüş gözləyir.
Kənan Heybətov Ukraynadan olan rəqibinə 4:5 hesabı ilə uduzub. Coşqun Əzimov Keniyadan olan rəqibinə 10:0 qalib gəlsə də, 1/8 finalda Belarusu təmsil edən güləşçiyə son xal prinsipi ilə yenilib (2:2).
10:11
Bu gün Norveçin paytaxtı Osloda güləş üzrə dünya çempionatı start götürəcək.
Oxu.Az xəbər verir ki, turnirin ilk günlərində sərbəst güləş üzrə mübarizə baş tutacaq.
Məsul yarışda ölkəmizi baş məşqçi Namiq Abdullayev, böyük məşqçi Zəlimxan Hüseynov və məşqçi Arif Abdullayevin rəhbərliyi altında doqquz güləşçi təmsil edəcək.
Bu gün dörd çəki dərəcəsində üç idmançımız mübarizəyə qoşulacaq.
61 kq
1/16 final Kənan Heybətov – Yaroslav Xurski (Ukrayna)
74 kq
1/16 final Coşqun Əzimov – Matayo Mahabila (Keniya)
86 kq
1/16 final Əbubəkr Abakarov – Ahmed Dudarov (Almaniya)
Qeyd edək ki, sabah 57, 65, 79 və 92, ayın 4-də isə 70 və 97 kiloqramda mübarizə aparacaq pəhləvanlar yarışa qoşulacaq. Görüşlər Bakı vaxtı ilə saat 12:30-da başlayacaq.
