Arda Gülər matçı ehtiyat oyunçular skamyasında bitirib
İspaniya La Liqanın 19-cu həftəsində "Real Madrid" "Malyorka"nı qəbul edib.
Sherg.az xəbər verir ki, matçın ilk hissəsi qolsuz başa çatıb.
"Real Madrid" ikinci hissədə Antonio Rüdigerin başla zərbəsi ilə 1-0 önə keçib və matç bu hesabla başa çatıb.
Liderliyini davam etdirən "Real Madrid" xallarını 48-ə yüksəldib, "Malyorka" isə 18 xalda qalıb.
Bu mövsümün əvvəlində "Real Madrid"ə transfer olunan türk futbolçu Arda Gülər zədəsindən sonra "Malyorka" matçı üçün heyətə daxil edilib. Bununla belə, milli futbolçu matçı ehtiyat oyunçular skamyasında başa vurub.
