Səudiyyə Ərəbistanının “Əl Nassr” komandasında çıxış edən portuqaliyalı ulduz futbolçu Kriştiano Ronaldo azarkeşlərə qarşı davranışına görə 1 oyunluq cəza alıb.
Bakupost.az xəbər verir ki, Səudiyyə Ərəbistanı Futbol Federasiyasının İntizam və Etika Komitəsinin açıqlamasında Ronaldonun “Əl Nəsr”in “Əl Şabab”a səfərdə 3-2 hesabı ilə qalib gəldiyi oyundan sonra azarkeşlərə qarşı davranışı səbəbilə bir oyunluq cəza aldığı bildirilib.
Həmçinin Ronaldonun federasiyaya 10 min Səudiyyə Ərəbistanı rialı, “Əl Şabab” klubuna isə 20 min Səudiyyə Ərəbistanı riyalı cərimə ödəməsinə qərar verilib.
Qeyd edək ki, matçdan sonra argentinalı ulduz futbolçu Lionel Messi üçün şüarlar səsləndirən rəqib komandanın azarkeşlərinə doğru hərəkət edən Ronaldoya intizam cəzası verilib.
Məsələ ilə bağlı açıqlamasında portuqaliyalı futbolçu "Bütün klublara hörmət edirəm. Qarşılaşmadan sonra qələbə sevincini yaşayırdım. Bu, biabırçı bir hərəkət deyildi. Avropada buna öyrəşmişik", deyib.
