İngiltərənin "Liverpul" klubunun Seneqallı hücumçusu Sadio Mane klubla müqavilənin uzadılması ilə bağlı danışıqlar aparmayıb.
Trend xəbər verir ki, bu barədə "The Telegraph" nəşri məlumatlı mənbəyə istinadla xəbər verir.
Mənbənin məlumatına görə, hücumçu başqa komandaya keçməyə hazırlaşır. Futbolçu "Liverpula" mövqeyini dəyişə biləcəyi hər-hansı bir şərt qoymayıb.
Sadio Mane bu mövsüm "Liverpul"un heyətində 51 oyuna çıxıb, 23 qol vurub və 2 məhsuldar ötürmə edib."Transfermarkt" portalının məlumatına görə, hücumçunun bazar dəyəri 80 milyon avrodur.
