“Rusiya və ABŞ arasında Ukraynada böhranının həlli üzrə danışıqların yeni mərhələsi nazirlər səviyyəsində baş tutmayacaq.”
APA xəbər verir ki, bu barədə jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Temmi Bryus bildirib.
"Bunlar yüksək rütbəli məmurlar olacaq. Sizə deyə biləcəyim tək şey budur. Nazir səviyyəli şəxslər deyil. Bunlar Ukraynada atəşkəs razılaşmasının texniki çərçivəsini müzakirə edən yüksək vəzifəli məmurlar olacaq", - o deyib.
Qeyd edək ki, ABŞ prezidentinin xüsusi nümayəndəsi Stiv Vitkoff “Fox News”a müsahibəsində Rusiya ilə ABŞ arasında yeni müzakirələrin martın 23-də Ciddədə baş tutacağını deyib.
