Film sektorunda sürətli dönüş baş verir. ABŞ Kino Sənətləri və Elmləri Akademiyası istehsal zamanı süni intellektdən istifadə edilən filmlərin də “Oskar” mükafatına namizəd ola biləcəyini açıqlayıb.
“Sherg.az” “NTV.com.tr”yə istinadən bildirir ki, qərar Akademiyanın rəsmi saytında paylaşılan 2025-ci ildən qüvvədə olan yeni mükafat qaydaları çərçivəsində elan edilib. “Oskar”ları seçən Akademiyanın rəsmi saytında verilən açıqlamaya görə, bu ildən qüvvədə olacaq yeni mükafat qaydaları paylaşılıb. Müvafiq olaraq, yaradıcılıq prosesində süni intellektdən istifadə edən prodakşnlar da müəyyən şərtlərə cavab verərsə, Oskar uğrunda yarışa biləcəklər. Digər tərəfdən, münsiflər heyətinin üzvləri qalib filmləri seçərkən “filmin hazırlanmasında insanların nə dərəcədə rol oynadığını” nəzərə alacaqlar. Qaydalar həmçinin münsiflər heyəti üzvlərindən final turunda səs vermək hüququna malik olmaq üçün bütün nominasiya edilmiş filmlərə baxmağı tələb edirdi. Bu il 97-ci dəfə keçirilən "Oskar" mükafatlandırma mərasimində "Ən yaxşı operator işi" və "Ən yaxşı kişi rolu" mükafatlarını qazanan "The Brutalist" filmi süni intellektdən istifadə etdiyi üçün böyük əks-səda doğurub. Hollivud aktyorları və ssenaristləri də 2023-cü ildə süni intellektə qarşı iş təhlükəsizliyinə dair danışıqların nəticəsiz qalmasından sonra tətilə çıxıblar.
