"Şelburn"un baş məşqçisi Coy O’Brayen UEFA Çempionlar Liqası 2-ci təsnifat mərhələsinin cavab oyununda keçiriləcək "Qarabağ"a qarşı oyun haqda danışıb.
Sherg.az "Report"a istinadən xəbər verir ki, o, matçdan öncə keçirilən mətbuat konfransında deyib:
"Sabahkı qarşılaşmaya normal qaydada çıxacağıq. Komandamıza inanıram. Oyundan zövq almağa çalışacağıq. İstəyirik ki, hər şey bizim xeyrimizə olsun. Stadionda atmosferin yaxşı olacağını düşünürük. Bu, tam da bizim istədiyimiz ab-havadır".
Tədbirdə həmçinin İrlandiya təmsilçisinin futbolçusu Conatan Lunney də iştirak edib. O, Bakıdakı qarşılaşmaya ciddi hazırlaşdığını söyləyib:
"Qarabağ"ın gücünü bilirdik. Onlara qarşı qarşılaşmanın çətin keçəcəyini bilirdik. Futbolda hər şey ola bilər. Sabahkı qarşılaşmada qələbə qazanmaq istəyirik".
Qeyd edək ki, “Qarabağ” - “Şelburn” matçı sabah Tofiq Bəhramov adına Respublika stadionunda, saat 20:00-da start götürəcək. Dublində baş tutan ilk oyun Qurban Qurbanovun baş məşqçisi olduğu kollektivin 3:0 hesablı qələbəsi ilə yekunlaşıb.
