“Sülh və sabitliyin əsas qarantı Türkiyə-Azərbaycan strateji müttəfiqliyidir”
“Laçında keçirilən Azərbaycan-Türkiyə birgə təlimlərində yollarda pusquların qurulması, ərazidə təxribat qruplarının aşkarlanması və məhv edilməsi tapşırıqları böyük uğurla icra olundu”. Bu barədə millət vəkili Bəhruz Məhərrəmov bildirib. Deputat qeyd edib ki, dünya baş verənləri sadəcə təlim kimi qəbul etmir. Onun sözlərinə görə, biz də bu prosesə hər şeydən öncə Prezident İlham Əliyevin hücum siyasəti doktrinasının sülhün davamlılığını hədəfləyən mühim mərhələsi kimi yanaşmalıyıq:
“Eyni zamanda bu, bir millətin iki dövlətinin bölgədə stabilliyi təhdid edənlərə kifayət qədər açıq mesajlarıdır. Səlahiyyət həddini aşanlar, habelə, müharibədəki məğlubiyyətindən dərs çıxarmayanların təxribatlarına bundan daha yaxşı cavab ola bilməz. Son 1 ildə baş verən proseslər sübut edir ki, bölgədə beynəlxalq hüququn və ədalətin təmin olunmasının, sabitliyin bərqərar olunmasının təməlində Azərbaycan Ordusunun gücü dayanır”.
Parlament üzvü bəyan edib ki, sülh və sabitliyin davamlılığı üçün əsas qarant Türkiyə-Azərbaycan strateji müttəfiqliyidir:
“Biz Laçında nələr edə biləcəyimiz mesajını verdik. Əgər lazımi ünvanlar bizim də təmənna və arzu etdiyimiz kimi nəticə çıxaracaqsa, bu, hər kəsin faydasına olacaq. Əks halda müzəffər Ali Baş Komandanın rəhbərliyi altında Azərbaycan ordusunun kimi lazımdırsa, başa salmaq üçün təcrübəsi və gücü var”.
İsmayıl
