Rusiya xarici işlər nazirinin müavini Mixail Qaluzin bildirib ki, Ermənistan dekabra qədər Avropa İttifaqına (Aİ) qoşulmaq və ya Avrasiya İqtisadi İttifaqında (AİİB) qalmaq məsələsi ilə bağlı referendum keçirmək barədə qərar verməlidir.
Sherg.az xəbər verir ki, Qaluzinin sözlərinə görə, dekabrda keçiriləcək AİİB sammitində Ermənistanla bağlı mümkün növbəti addımlar müzakirə olunacaq. O qeyd edib ki, referendumla bağlı çağırış nəzərə alınmasa, ittifaq ölkələrinin liderləri bunu gələcək qərarlarda nəzərə alacaqlar.
Ermənistanın baş naziri Nikol Paşinyan isə avqustun 7-də referendum ideyasını mənasız adlandırıb və Aİ-nin hazırda Ermənistan üçün AİİB-ə alternativ olmadığını bildirib.
Ermənistan parlamenti 2025-ci ilin martında ölkənin Aİ-yə üzvlük prosesinə başlamaq barədə qanun qəbul edib. Rusiya tərəfi isə AİİB-dən çıxışın Ermənistan iqtisadiyyatı üçün ciddi nəticələr yarada biləcəyini bildirir.
