Dünyada 2 milyarddan çox insan ürək-damar xəstəlikləri təhlükəsi altındadır. Sinə ağrısı infarktın ən çox görülən simptomlarından biridir. Ancaq ilk xəbərdarlıq əlaməti bir neçə ay əvvəldən özünü göstərir. İnsanların çoxu isə buna əhəmiyət vermir, narahatlıqları müxtəlif sağlıq, hətta sosial problemlərlə əlaqələndirməyə çalışırlar.
“Sherg.az” “NTV.com.tr”yə istinadən bildirir ki, ürək-damar xəstəlikləri dünyada ən çox yayılmış xəstəliklərdən biri, infarkt isə dünyada ən çox görülən ölüm səbəblərindən biridir. İnfarkt müxtəlif səbəblərdən ürəyi qidalandıran damarlarda qan axınının qəfil azalması və ya kəsilməsi nəticəsində yaranan vəziyyətdir. Bu, ürəyə qan daşıyan damarlarda laxtalanma və tıxanma nəticəsində yaranır. Bu zaman ürək əzələsi kifayət qədər oksigen ala bilmədiyi üçün lazımi funksiyalarını yerinə yetirə bilmir. Zaman keçdikcə ürək əzələsi geri dönüşü olmayan bir şəkildə funksiyasını itirməyə başlayır. Xəstənin infarkt zamanı ölməsinin ən böyük səbəbi kifayət qədər enerji ala bilməyən ürəyin ritminin pozulmasıdır. İnfarktın baş verə biləcəyini göstərən bəzi əlamətlər var. Bunlar arasında ən çox rast gəlinən sinə ağrısı və sıxılmadır. İlk xəbərdarlıq əlaməti bir neçə ay əvvəldən özünü göstərə bilər. İnfarktı 100 faiz dəqiqliklə proqnozlaşdırmaq qeyri-mümkün olsa da, bəzi əlamətlər fövqəladə vəziyyətin baş verəcəyindən xəbərdar edir. Simptomlardan biri də tərləmədir. Kardioloq Zi-Jian Xu soyuq tərin xüsusilə şübhəli ola biləcəyini izah edir. Həkim deyir ki, bu xüsusi hiss faktiki infarktdan aylar əvvəl baş verə bilər: “Bəzi insanlar üçün əlamətlər infarktdan aylar və ya daha uzun müddət əvvəl görünə bilər. Bəziləri üçün infarkt keçirməzdən əvvəl heç bir şey yaşamaya bilər. Bununla belə, tərləmə, müxtəlif mütəxəssislər tərəfindən erkən xəbərdarlıq əlaməti kimi qeyd olunur. Əlavə tərləmə ürəyə doğru hərəkət edərək tıxanmış arteriyalara səbəb olur, bu da daha çox səy tələb edir və bədən istiliyinizi aşağı salmaq üçün bədəninizin tərləməsinə səbəb olur. Gecə tərləmələri də tipik bir xəbərdarlıq əlamətidir ki, bir çox qadın bunu menopozla səhv sala bilər. Gecə tərləmələri menopozun ən əhəmiyyətli əlamətlərindən biri hesab edilsə də, infarkt da bu simptomu tətikləyə bilər. Zi-Jian Xu izah edib ki, tərləmədən başqa, infarktın digər tipik əlamətləri də var ki, bura sinədə ağrılar, ağırlıq hissi, ürək döyüntüsü və nəfəs darlığı daxildir. Həkim qeyd edib ki, erkən infarkt əlamətləri infarkt keçirən şəxslərin yüzdə 50-də baş verir. Bunlar sinə ağrısı, çiyin ağrısı, boyun və çənə ağrısı, tərləmək, bulantı və ya qusma, başgicəllənmə və ya huşunu itirmə, nəfəs darlığı, şiddətli narahatlıq və ya qarışıqlıq hissi. Həkim qeyd edib ki, soyuq hava da infarkt ehtimalını artırır. Bunun bir çox səbəbləri var. Soyuq hava ilə artan viral infeksiyalar infarktlara səbəb olur. Bundan əlavə, soyuq havalarda qanın axıcılığı azalır və qan daha çox laxtalanmaya meyilli olur. Bu, infarkt səbəblərindən biridir. Mümkün infeksiyalar da infarkta səbəb ola bilər, ona görə də özümüzü infeksiyalardan qorumalıyıq. Bu səbəbdən alınacaq ilk tədbir immuniteti artırmaqdır. Sağlam qidalanmaya üstünlük vermək, yuxu rejimini yaxşı tənzimləmək, vitamin ehtiyatını artırmaq, C vitamini ilə zəngin qidalar qəbul etmək, bol tərəvəz istehlak edilməlidir. Həmçinin insanlar stresdən, zərərli vərdişlərdən uzaq durmalı, gərginliyi artıracaq hal və hərəkətlərə meyl etməməli, depressiv vəziyyətləri yaxın buraxmamalıdırlar.
