Sarımsaqlı çörək həm asan hazırlanması, həm də dadı ilə gündəlik süfrələrdə və qonaqlıqlarda çox sevilir.
Sherg.az xəbər verir ki, İtalyan mətbəxinin klassik ləzzətlərindən biri olan bu çörək, xüsusilə səhər yeməkləri və gecə qəlyanaltıları üçün idealdır. Bəs bu möhtəşəm çörək necə hazırlanır? Detallar aşağıdadır:
Tərkibi:
1 ədəd baget çörəyi (və ya dilimlənmiş çörək)
4–5 diş sarımsaq
3 xörək qaşığı kərə yağı (otaq temperaturunda)
1 xörək qaşığı zeytun yağı
İstəklə bir çimdik duz
Doğranmış təzə cəfəri
Rəndələnmiş kaşar və ya parmesan pendiri (istəyə bağlı)
Hazırlanması:
Sarımsaqları sürtgəcdən keçirin və ya əzərək püre halına gətirin.
Kərə yağı və zeytun yağı ilə qarışdırın.
Qarışıma doğranmış cəfəri və duz əlavə edin.
Baget çörəyini ikiyə bölün və ya dilimlənmiş çörəyin üzərinə bu qarışımı yayın.
İstəyirsinizsə, üzərinə rəndələnmiş pendir səpə bilərsiniz.
Əvvəlcədən qızdırılmış 180–200°C sobada 10–12 dəqiqə bişirin, üzəri qızarana qədər.
Qaynar halda servis edin. Makarona, supa və ya ət yeməklərinə əla yoldaşdır.
Nuş olsun!
