İrlandiyalı neyrobioloq Darragh Ennis, insanların yuxuya getməkdə çətinlik çəkməsinin əsas səbəbinin gecə telefon istifadəsi olduğunu bildirib. Onun sözlərinə görə, ekranlardan yayılan mavi və digər işıqlar melatonin hormonunun ifrazını azaldır və bu da yuxusuzluğa səbəb olur.
Sherg.az xəbər verir ki, Mavi işıq filtrləri isə düşündüyümüz qədər effektiv deyil. Ennisə görə, ən yaxşı üsul yatmazdan əvvəl ekranlardan tamamilə uzaq durmaqdır. Əvəzində kitab oxumağı tövsiyə edir.
İngiltərə Milli Səhiyyə Xidməti (NHS) isə yaxşı yuxu üçün bunları məsləhət görür:
Hər gün eyni vaxtda yatıb oyanmaq
Yatmazdan 1 saat əvvəl ekranlardan uzaqlaşmaq
Meditasiya, kitab oxumaq və sakit musiqiyə üstünlük vermək
Ağır yeməklərdən, kofein və nikotindən uzaq durmaq
Yatmazdan əvvəl idmandan çəkinmək
Yata bilmirsinizsə, qalxıb sakit bir fəaliyyətlə məşğul olmaq
Yaxşı yuxu yalnız enerjinizi artırmaz, ümumi sağlamlığınıza da müsbət təsir edər.
