Yeni Azərbaycan Partiyasının deputatlığa namizədlər siyahısında maraq doğuran isimlərdən biri də namizədliyi 93 saylı Bərdə şəhər seçki dairəsindən irəli sürülən Fatma Vidadi qızı Yıldırımdır.
Teleqraf.com Fatma Vidadi qızı Yıldırımın tərcümeyi-halını təqdim edir:
12 yanvar 1973-cü ildə Bakı şəhərində doğulub. Bakı Dövlət Universitetini bitirib. Dövlət qulluğunun kiçik müşaviridir. Fizika-riyaziyyat elmlər namizədidir.
1994-1998-ci illərdə “Yusif-Ko” şirkətində kadrlar şöbəsinin müdiri, 1998-2001-ci ilərdə “Caspian American Telecom”da (CATEL) kadrlar üzrə müfəttiş, 2008-ci ildə “Kraun LTD”-də kadrlar şöbəsinin müdiri, 2009-2010-cu illərdə “Azəriqaz” İB Bakı şəhəri Qaz İstismarı İdarəsinin kadrlar şöbəsinin rəis müavini, 2010-2011-ci illərdə “Parabank” ASC-də İnsan Resursları Departamentinin direktoru, 2012-2016-cı illərdə Nazirlər Kabineti yanında İçərişəhər Dövlət Tarix-Mədəniyyət Qoruğu İdarəsində Hüquq və təşkilati təminat şöbəsi müdirinin müavini, 2016-2018-ci illərdə Prezident yanında Mənzil İnşaatı Dövlət Agentliyinin İnformasiya təminatı və insan resursları şöbəsinin müdiri olub.
Həmin ildən Dövlət Şəhərsalma və Arxitektura Komitəsinin Kadr məsələləri şöbəsinin müdiridir.