Ermənistan Silahlı Qüvvələrinin Gəncəyə raket hücumu və nəticədə 9 mülki şəxsin öldürülməsi təsadüfi bir hərbi səhv ola bilməzdi - bu Yerevan tərəfindən planlaşdırılmış bir terror aktı və ya hərbi cinayət idi.
Milli.Az bildirir ki, bu haqda "Nasionalnaya oborona" nəşrinin baş redaktoru İqor Korotçenko "Vestnik Kavkaza" müxbirinə söyləyib.
"Bu, sadəcə öhdəliklərini kobud şəkildə pozmaq deyil (Ermənistan tərəfindən atəşkəs sazişinin imzalanmasından bir gün sonra), bu ya hərbi cinayət, ya da beynəlxalq terror aktıdır. Bu zərbənin nəyin xüsusi olduğunu başa düşmək vacibdir. Döyüş əməliyyatları artilleriya və ya çoxsaylı raket sistemlərinin köməyi ilə aparıldıqda, atəş hərbi hədəflərə olsa da, qeyri-hərbi hədəflərin də mərmilərin sapması səbəbiylə məhv olması mümkündür. Amma Gəncədə düşən ballistik raketlər kimi raketlərə uçuş missiyası təqdim edilir, zərbənin vurulduğu yerin koordinatları əvvəlcədən qeyd olunur. Yəni Gəncəyə edilən bu hücum Ermənistanın hərbi komandanlığı tərəfindən planlaşdırılıb, təsdiqlənib və sanksiya olunub", - o deyib.
"Beləliklə, şübhə yoxdur ki, Ermənistanın hərbi-siyasi rəhbərliyi Azərbaycanın ikinci böyük şəhərinin məhz yaşayış ərazisinə zərbə vurmaq niyyətində idi. Kinayəli şəkildə dinc Azərbaycan əhalisinə qəsdən hücumlar edən Yerevan Azərbaycanla imzalanan atəşkəsi əslində məhv etdi. Buna haqq qazandırmaq olmaz, araşdırmaq və hücumu təşkil edənləri beynəlxalq məhkəməyə vermək lazımdır. İndi isə hələ də qalmasına baxmayaraq sülh şansı çox azdır", - İqor Korotçenko əlavə edib.
"Ali baş komandanı olaraq bu raket zərbələrinin müəllifi Nikol Paşinyanın özü olub-olmadığı və ya qərarın onsuz verildiyi sualına aydınlıq gətirmək lazımdır. İkinci ssenari, ordudakı vəziyyətə nəzarəti itirdiyini göstərir. Raket hücumu üçün sanksiyalar birbaşa Paşinyan tərəfindən verilmişdisə, o, Nürnberqdə təşkil olunan beynəlxalq məhkəmədə İkinci Dünya müharibəsində etdiklərinə görə məsuliyyət daşıyan insanlardan fərqlənmir. Paşinyan belə bir əmr verməmişdisə, sual budur ki, indi erməni qoşunlarının davranışında bir şey ondan asılıdırmı? Bu cinayət əmrini kimin verdiyini öyrənməliyik", - Nasionalnaya oborona" nəşrinin baş redaktoru qeyd edib.
"Nəticə etibarilə, bu, təsadüfi raket zərbəsi və ya hər hansı bir "özünümüdafiə dəstəsi"nin hücumları deyil. Bacarıqsız personal prinsipcə bu cür silahlardan istifadə edə bilməz. Raketlər birbaşa Ermənistan silahlı qüvvələri tərəfindən buraxılıb və sadəcə araşdırılmalıdır ki, bu əmri hərbi-siyasi rəhbərliyində kim verib - ya Paşinyan, ya da müdafiə naziri Tonoyan", - hərbi ekspert vurğulayıb.