Ukrayna Prezident Administrasiyasının rəhbəri Andrey Yermak həftə ərzində ikinci dəfə ABŞ dövlət başçısının milli təhlükəsizlik üzrə müşaviri Ceyk Sallivanla danışıb.
“Report” TASS-a istinadən xəbər verir ki, o, bu barədə özünün tviter hesabında yazıb.
“Ceyk Sallivanla daha bir mühüm telefon danışığı oldu. Mövcud daxili və xarici siyasi məsələlər barədə məhsuldar söhbət etdik”, - paylaşımda bildirilib.
Qeyd edək ki, onların həftə ərzində ilk telefon danışığı noyabrın 26-da olmuşdu.