Gürcüstan NATO-nun Madriddə keçiriləcək sammitinə dəvət olunacaq

Gürcüstan NATO-nun güclü potensiala malik tərəfdaşıdır və onun nümayəndələri alyansın Madriddə keçiriləcək sammitinə dəvət olunacaqlar.

Trend-in məlumatına görə, bu barədə NATO baş katibinin müavini Mirça Coane deyib.

"Biz uzun illərdir onlarla birlikdə işləyirik və bildiyimə görə, Madriddə keçiriləcək NATO sammitinə Gürcüstan rəhbərliyi dəvət olunacaq. NATO üçün açıq qapı siyasəti mühüm olaraq qalır. Deyə bilərəm ki, Gürcüstan çox vacib tərəfdaşdır, Qara dəniz çox vacib olduğuna çevrilir", - deyə M.Coane bildirib.